- 409 -

1404. Okt. 4. Liegnitz.

Wir Ruprecht von gotis gnaden in Slesien.. herczoge vnd herre zu Legnicz gebieten allin vnsern mannen arm vnd reich in vnserm lande, das ir dozu helffit raten vnd denken vnsir lande zu schuczen vnd zu schirmen, ap icht anstozse, crige adir zugriffe geschehen in vnserm lande bis zu vnsir zukumfft, als wir ouch sulche hulffe vnd rate zu tun euch beuolen habin vnsern getrowen ratmannen zu Legnicz vnd hoferichter doselbist vnd ap vnsin vettir.. herczog Heinrich wurde angegriffen vnd beschediget adir en angrieffen weide in sieme lande, beuelen wir euch ouch, das ir em hulffe vnd rath dozu tuet sulchen zugrieffen zuwedirsten, als wir vm alle sachen beuolen habin vnsirn ratmannen czu Legnicz vnd houerichter doselbist euch zu sagen gliechirweys als wir muntlich mit euch retten vnd welche vnsir man vnserm houptmann zu Legnicz ryeten vnd nochjagen mit sieme rate, den steen wir vor gewonlichen schaden, als vnsern mannen. Gebin zu Legnicz am donrstage vor sante Hedwigis tage anno domini M°CCCC quarto.

Orig. mit abgesprungenem rothem Siegel, Kgl. Bibl. zu Berlin, Ms. Bor. f. 567 No. 40.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866